მილანის "ინტერმა" ოფიციალურად დაადასტურა, რომ მთელი გუნდი წყვეტს ვარჯიშს და იზოლაციაში გადადის, მას შემდეგ რაც "იუვენტუსის" ფეხბურთელს, დანიელე რუგანის, კორონავირუსი დაუდასტურდა.
"იუვენტუსის განცხადების შემდეგ, რომ დანიელე რუგანის ტესტის პასუხები CONVID-19-ზე დადებითია, საფეხბურთო კლუბი "ინტერნაციონალე" აცხადებს რომ წყვეტს ყველანაირ აქტივობას. კლუბი ყველა საჭირო ყველა პროცედურას ჩაატარებს " - ნათქვამია განცხადებაში.
შეგახსენებთ, რომ "იუვენტუსისა" და "ინტერის" მატჩი სერია ა-ში შაბათს გაიმართა და დანიელე რუგანი სათადარიგოთა სკამზე იმყოფებოდა.
ასევე იხილეთ: იუვენტუსისა და იტალიის ნაკრების ფეხბურთელს კორონავირუსი დაუდგინდა