ოფიციალურად: შოთა არველაძე ჰალის მთავარი მწვრთნელია!

ინფორმაცია, რომელიც ბოლო დღეების განმავლობაში ბრიტანულ და ქართულ მედიაში გავრცელდა, ოფიციალურად დადასტურდა - შოთა არველაძე "ჰალ სიტის" მთავარ მწვრთნელად დაინიშნა. ინგლისის ჩემპიონშიფის ბინადარმა კლუბმა საქართველოს ნაკრების ყველა დროის საუკეთესო ბომბარდირთან 2-წელიწადნახევრიანი კონტრაქტი გააფორმა.  

Hull City are delighted to announce the appointment of Shota Arveladze as the club's new head coach on a two-and-a-half-year deal. Welcome, Shota! 🤝#hcafc — Hull City (@HullCity) January 27, 2022

"ძალიან მოტივირებული ვარ და ერთი სული მაქვს, როდის ვაჩვენებ, თუ რა შეუძლია ამ კლუბს. "ჰალში" ტალანტი, გამოცდილება, ხარისხი და შემოქმედითობა ერთადაა თავმოყრილი. მე სანახაობრივი ფეხბურთის მომხრე ვარ - როდესაც ქომაგს მოედანზე მოსვლა და ფეხბურთის ყურება სიამოვნებას ანიჭებს. სასიამოვნოა ის, რომ მომდევნო მატჩი "სუონსისთან" მალე გაიმართება, ქომაგებთან შეხვედრას ინტერესით ველოდები. <span;>ჩვენ მაქსიმუმის გაკეთებას და შემტევი ფეხბურთის თამაშს ვეცდებით, მთავარი მიზანი კი თითოულ თამაშში 3 ქულის მოპოვება იქნება. აუცილებელია, რომ გულშემატკივარი სტადიონზე მოვიდეს და მხარი დაუჭიროს საყვარელ კლუბს. ჩვენ კარგი ფეხბურთელები გვყავს და მათი ყურება ერთი სიამოვნება იქნება. მოდით, ერთად შევძლოთ, ერთად", - თქვა 48 წლის ქართველმა სპეციალისტმა.