უნაიემერი "არსენალის" მთავარი მწვრთნელი აღარ არის. ლონდონური კლუბის ხელმძღვანელებმა ესპანელ სპეციალისტს ისტორიაში სეზონის ერთ-ერთი ყველაზე ცუდი დასაწყისი არ აპატია და დაკავებული თანამდებობიდან გაათავისუფლა.
პრემიერლიგაში არასტაბილური გამოსვლის, მერვე ადგილზე ყოფნის და ბოლო 27 წელიწადში ყველაზე ცუდი სათამაშო ფორმის შემდეგ, "სევილიასა" და "პსჟ-ს" ყოფილი თავკაცის საქმეში ბოლო წვეთი ევროპის ლიგაში, ფრანკფურტის "აინტრახტთან" (1:2) მარცხი გამოდგა.
48 წლის ემერი "მეთოფეების" მეთაურად 18 თვის განმავლობაში მუშაობდა, პრემიერლიგის წინა გათამაშებაში მეექვსე ადგილი დაიკავა და ევროპის ლიგის ფინალი წააგო (ჩელსისთან 1:4).
უკვე ცნობილია, რომ დროებითი მწვრთნელის მოვალეობებს კლუბის ყოფილი ფეხბურთელი ფრედი ლიუნგბერგი შეასრულებს.