"ოქროს ქულა მოვიპოვეთ" - შოთა არველაძემ წაგებათა სერიის დასრულება შეაფასა

"ბედნიერი ვარ, რომ ასეთი მძიმე თამაშიდან ქულა მოვიპოვეთ - ძალიან გახარებული ვარ. "შეფილდ იუნაიტედის" ფეხბურთელები ბოლო 3-4 წლის განმავლობაში ერთად თამაშობენ და ერთმანეთს კარგად იცნობენ. ისინი სწრაფად თამაშობენ და უამრავ სივრცეს ქმნიან დაცვის უკან და ხვრელებში. იოლი არ იყო მათი შემტევებისთვის თვალყურის დევნება ან დაცვა, მაგრამ ჩვენ კარგად დავდექით, მიუხედავად იმისა, რომ მათ ორი ან სამი კარგი, აშკარა შანსი ჰქონდათ - დანარჩენი დრო კუთხურებსა და გრძელი გადაცემების მოგებაში გადიოდა. გუნდურად თავი ძალიან კარგად დავიცავით და ამით ბედნიერი ვარ, ასევე გვქონდა 2 თუ 3 ისეთი ეპიზოდი, როცა მეტოქის შეცდომის გამო დასჯა შეგვეძლო. სამი ძალიან მძიმე მატჩის შემდეგ, ეს ჩვენთვის უმნიშვნელოვანესი, ოქროს ქულა იყო", - თქვა საქართველოს ნაკრების ყველა დროის საუკეთესო ბომბარდირმა ინგლისურ მედიასთან საუბარში.