დორტმუნდის "ბორუსიის" თავდასხმელმა, პაკო ალკასერმა, ბუნდესლიგის 27-ე ტურში დუბლი გაიფორმა. მისი გოლების წყალობით, "დორტმუნდმა" "ვოლფსბურგი" ანგარიშით 2:0 დაამარცხა, თუმცა ეს მთავარი ამბავი არ არის - პაკო ალკასერმა გოლები 91-ე და 94-ე წუთებზე გაიტანა, რამაც იგი ბუნდესლიგის ისტორიაში შეიყვანა.
როგორც Opta Sports იტყობინება, მიმდინარე სეზონში პაკო ალკასერმა 90-ე წუთის შემდეგ უკვე 5 გოლი გაიტანა. ამ მხრივ, პაკო ალკასერი გერმანიის საფეხბურთო ლიგის ყველა დროის რეკორდსმენი გახდა, რადგან დღემდე, ბუნდესლიგის 1 სეზონში, არცერთ ფეხბურთელს კომპენსირებულ დროში 5 გოლი არ გაუტანია.
მიმდინარე სეზონში პაკო ალკასერს ბუნდესლიგაში 16 გოლი აქვს გატანილი. ამ მაჩვენებლით იგი მხოლოდ რობერტ ლევანდოვსკის ჩამორჩება, რომლის ანგარიშზეც 19 გოლი ფიქსირდება.
.32.webp)
