პეპ გვარდიოლა: "დორტმუნდში გამარჯვებისთვის მივდივართ" 

"დორტმუნდის "ბორუსია" ჩემპიონთა ლიგის ტრადიციული კლუბია, რომელსაც ამ ტურნირზე თამაშის მრავალწლიანი გამოცდილება გააჩნია. ამიტომაც მათ კარგად იციან თუ რა უნდა გააკეთონ. კარგია, რომ ჩვენ გერმანიაში სათამაშოდ სასურველი ანგარიშით მივდივართ. ჩვენ დორტმუნდში მატჩის მოსაგებად მივდივართ. დღევანდელი შეხვედრის პირველ ნახევარში ბურთის ფლობის ასპექტში გონივრულად არ ვმოქმედებდით. მეორე ტაიმი უკეთესი იყო და ჩვენ 2-3 რეალური საგოლე ეპიზოდი შევქმენით. იმისათვის, რომ სასურველი ფეხბურთი ვითამაშოთ, უკეთ შეწყობილი თამაშის ჩვენება გვჭირდება. მომდევნო კვირას, ამის კიდევ ერთი შანსი გვექნება", - თქვა 50 წლის ესპანელმა სპეციალისტმა.