კოლუმბიის ნაკრების ვარსკვლავმა, რადამელ ფალკაომ ურუგვაელ ვიზავისთან დაპირისპირება გაიხსენა. ფალკაოს მტკიცებით, ხოსე ხიმენესმა იგი უბრალოდ გააგიჟა, რის შემდეგაც ფეხბურთის ნაცვლად კონცენტრირება სულ სხვა თემებზე გადაიტანა.
"ხიმენესმა გამაგიჟა, იგი კითხვებს მისვამდა. პირველად მკითხა თუ რა ავტომობილი მყავდა, როდესაც ახსნა დავიწყე იგი გაიქცა, რათა ჩამოწოდებულ ბურთს დახვედროდა. მოგვიანებით მკითხა, სექტემბერი (September) იკითხებოდა თუ არა "P"-ს გარეშე. ყველაფერი იმით დასრულდა, რომ ჩაწოდებულ ბურთზე ბრძოლის შანსი დავკარგე", - აღნიშნა რადამელ ფალკაომ.
