Belive

ფეხბურთელები, რომლებმაც სიცოცხლე სტადიონზე დაასრულეს

3 წლის წინ ფეხბურთი
2 წთ
საფეხბურთო სამყაროში და ზოგადად სპორტში ხშირია შემთხვევა, როდესაც სპორტსმენები/ფეხბურთელები ფიზიკურ დატვირთვას ვეღარ უძლებენ და მათი ორგანიზმი "დამარცხდება". გთავაზობთ ფეხბურთელებს, რომლებმაც სიცოცხლე მოედანზე დაასრულეს:

ანტონიო პუერტა ("სევილია")

nintchdbpict000003680979
2007 წლის 28 აგვისტოს, ლა ლიგის მატჩში, სადაც "სევილია" "ხეტაფეს" მასპინძლობდა, მატჩის მიმდინარეობისას მასპინძელთა მცველი - ანტონიო პუერტა მოედანზე დავარდა და გონება დაკარგა. პუერტა საავადმყოფოში კი გადაიყვანეს, თუმცა მისი მდგომარეობა კრიტიკული იყო და რამდენიმე წუთში გულის შეტევით გარდაიცვალა.

მარკ-ვივიენ ფოე (კამერუნი)

კამერუნელი ფეხბურთელი, რომელიც 2003 წლის 26 ივნისს მოედანზე გარდაიცვალა. კონფედერაციის თასის ნახევარფინალში, სადაც კამერუნი კოლუმბიას უპირისპირდებოდა, მატჩის 45-ე წუთზე, კამერუნელმა ნახევარმცველმა გონება დაკარგა, მოგვიანებით კი საავადმყოფოში, 28 წლის ასაკში გულისშეტევით გარდაიცვალა.

ჩეიკ ტიოტე ("ბეიჯინგი")

30 წლის კოტ-დივუარელი ნახევარმცველი - ჩეიკ ტიოტე 2017 წლის 5 ივნისს გარდაიცვალა. იგი ჩინეთში "ბეიჯინგში" თამაშობდა და ვარჯიშისას გული წაუვიდა, სამწუხაროდ მისი გადარჩენა ვეღარ მოასწრეს. როგორც მოგვიანებით გახდა ცნობილი, კოტ-დივუარელი ერთ-ერთი საუკეთესო ნახევარმცველი გულის შეტევით გარდაიცვალა.

მიკლოს ფეჰერი ("ბენფიკა")

უნგრეთის ნაკრებისა და პორტუგალიური "ბენფიკას" თავდამსხმელი - მიკლოს ფეჰერი 2004 წლის 25 იანვარს გარდაიცვალა. პორტუგალიის ჩემპიონატის მატჩის მიმდინარეობისას, სადაც "ბენფიკა" "გიმარაეშს" ეთამაშებოდა, მატჩის მიმდინარეობისას უნგრელმა ფორვარდმა გონება დაკარგა და მოედანზე დავარდა.
24 წლის უნგრელი ფეხბურთელის გარდაცვალების მიზეზი გულის პრობლემები გახლდა.

პიერმარიო მოროზინი ("ლივორნო")

2014 წლის 12 აპრილს, სერია B-ს მატჩში, სადაც "ლივორნო" "პესკარას" ეთამაშებოდა, მატჩის მიმდინარეობისას "ლივორნოს" ლიდერი და ნახევარმცველი - პიერმარიო მოროზინი უგონოდ დავარდა მოედანზე. იგი საავადმყოფოში გადაიყვანეს, თუმცა მისი გადარჩენა ვერ მოხერხდა. როგორც გაირკვა მას გულისშეტევა დაემართა. პიერმარიო მოროზინი იტალიაში ერთ-ერთ ყველაზე პერსპექტიულ ფეხბურთელად განიხილებოდა, რადგან 24 წლის ასაკში იტალიის ყველა ასაკობრინ ნაკრებში ჰქონდა ნათამაშები.  

სხვა სტატიები