"სანტიაგო ბერნაბეუზე", "ესპანიოლის" განადგურების (4:0) შემდეგ, მადრიდის "რეალი" ესპანეთის ლა ლიგის ტრიუმფატორი ნაადრევად გახდა. ჩემპიონატის დასრულებამდე 4 ტურით ადრე მოპოვებული ჩემპიონობა, "ბლანკოსმა" საკუთარი გულშემატკივრის წინაშე იზეიმა. აღსანიშნავია, რომ "სამეფო კლუბმა" ესპანეთის ჩემპიონის 35-ე ტიტული მოიპოვა.
კარლო ანჩელოტი გახდა პირველი მენეჯერი, რომელმაც ევროპის ტოპ 5 ლიგის ჩემპიონის ტიტული მოიპოვა. (პრემიერ ლიგა, ბუნდესლიგა, ლა ლიგა, სერია A, ლიგა 1). "რეალის" ტრიუმფის შედეგად, ანჩელოტიმ ბრწყინვალე სამწვრთნელო კარიერის განმავლობაში 23-ე ტიტული მოიპოვა, რითიც ყველა დროის საუკეთესო მენეჯერთა შორის, სამუდამოდ დაიმკვიდრა ადგილი.
2019 წელს, გავლენიანმა ესპანურმა გამოცემამ ყველა დროის 8 ყველაზე ტიტულოვანი მენეჯერი გამოავლინა. გთავაზობთ MARCA-ს რეიტინგის განახლებას, რომელში მოსახვედრადაც, ანჩელოტის მხოლოდ 2 ტიტული აკლია.
8. ჟოზე მოურინიო (25 ტიტული)7. ოტმარ ჰიტცფელდი (25 ტიტული)6. ლუიშ ფელიპე სკოლარი (26 ტიტული)5. იოკ შტეინი (26 ტიტული)4. ვალერი ლობანოვსკი (29 ტიტული)3. პეპ გვარდიოლა (31 ტიტული)2. მირჩეა ლუჩესკუ ( 35 ტიტული)1. სერ ალექს ფერგიუსონი (48 ტიტული)
