ფაბიან ვარგასის ისტორია ლიონელ მესის შესახებ - არგენტინელი მოედნის გარეთაც ბრწყინავს
2 წლის წინ
ფეხბურთი
1 წთ
"2010 წელს "ალმერიაში" "ბარსას" წინააღმდეგ უნდა გვეთამაშა. მატჩამდე მეგობრებმა დამირეკეს და მთხოვეს, მათთვის ჩემი მაისური მიმეცა, რათა ის აუქციონზე გაეყიდათ და შეგროვებული ფულით არგენტინაში წყალდიდობით დაზარალებულებს დახმარებოდნენ. მქონდა იდეა, რომ თამაშამდე მესისთან მივსულიყავი, მდგომარეობა ამეხსნა და გამეგო, შესაძლებელი იყო თუ არა, რომ მისი მაისური მიმეღო. მაგრამ, 0:8 წავაგეთ და გაბრაზებული ვიყავი, მისი მაისურის აღება კი დამავიწყდა. თუმცა, "ალმერიას" სტიუარდი ჩემთან მოვიდა და მითხრა, რომ გასახდელში ვიღაცას ჩემი ნახვა უნდოდა. ოთახში მესი დავინახე, პატარა ჩანთით, მან მითხრა: "აიღე მაისურები შენი კოლექციისთვის." ჩავეხუტე და მადლობა გადავუხადე. მოგვიანებით, როდესაც ჩანთა გავხსენი, დავინახე, რომ იქ ალვეშის, პიკეს, ჩავისა და პუიოლის მაისურებიც იყო. არასდროს დამავიწყდება მისი ეს საოცარი ჟესტი," - იხსენებს ფაბიან ვარგასი.