ფოდენი VS მბაპე - ტვიტერის პოსტი, რომელსაც დიდი არეულობა და შეწყვეტილი კონტრაქტი მოჰყვა

ჩემპიონთა ლიგის მეოთხედფინალური ეტაპის საპასუხო შეხვედრის დასრულების შემდეგ, რომელშიც "მანჩესტერ სიტიმ" დორტმუნდის "ბორუსია" - 2:1, ორი მატჩის ჯამში კი - 4:2 დაამარცხა, ორრაუნდიან დაპირისპირებაში, გერმანელთა კარში ორი გოლის გამტანი, ფილ ფოდენი მცირე სკანდალში გაეხვა. საქმე ისაა, რომ რამდენიმე წუთში მას მერე, რაც გაირკვა, რომ 5-წლიანი პაუზის შემდეგ, "ქალაქელები" ნახევარფინალში ითამაშებდნენ, ახალგაზრდა ინგლისელი ფეხბურთელის Twitter-ის გვერდზე გაჩნდა პოსტი, რომელშიც "პსჟ-ს" თავდამსხმელი, კილიან მბაპე იყო მოხსენიებული და ეწერა: "მზად ხარ?".

პოსტს, რომელსაც რამდენიმე წუთში ათასობით გამოხმაურება ჰქონდა, საბოლოო ჯამში "მანჩესტერ სიტის" სოციალური მედიის მენეჯერის, სემ ლის ჩარევის შემდეგ წაიშალა, რომელმაც განმარტა, რომ იგი ფეხბურთელს არ განუთავსებია: "მბაპეს შესახებ ტვიტი ფოდენს არ გამოუქვეყნებია, ეს გააკეთა კომპანიამ, რომელიც მართავს მის პროფილს. ფოდენის გარემოცვა არსებულით უკმაყოფილო იყო და პოსტი დაუყოვნებლივ წაიშალა".

Foden didn't post that Mbappe tweet himself, it was done by the company that manage his account. People close to Foden not particularly happy about it and it's been deleted — Sam Lee (@SamLee) April 14, 2021

"რამდენიმე კვირის წინ დავწერე იმ ფეხბურთელების შესახებ, რომლებიც საკუთარ ანგარიშებს სოციალურ ქსელებში თავად არ მართავენ. ბიჭებო ნუ იქცევით ასე, აკონტროლეთ თქვენი პროფილები. თქვენი დამოუკიდებელი აზრი და ნამდვილობა საფრთხის წინაშე დგას. ეს თქვენი ხმაა და არა სხვისი", - წერს 46 წლის ინგლისელი.

I mentioned on here a few weeks ago about players having their accounts run by social media companies. Lads run your own accounts! Your independent thought and authenticity is at stake . It’s your voice , not anyone else’s. Morning by the way . Go and attack the hell out of it ❤️ pic.twitter.com/M997r8kbWa — Gary Neville (@GNev2) April 15, 2021