5 მაისს ჰოლანდიის თასის ფინალი გაიმართა, სადაც "აიაქსი" "ვილემ II-ს" დაუპირისპირდა და 4:0 დაამარცხა. ეს მატჩი ერთ-ერთი ბოლო იყო "აიაქსის" ნახევარმცველი - ფრენკი დე იონგისთვის, რომელმაც "ბარსელონასთან" კონტრაქტს ხელი მოაწერა და 1 ივლისს ესპანურ კლუბს შეუერთდება.
მატჩის ბოლო წუთზე კურიოზული შემთხვევა მოხდა, კერძოდ ფრენკი დე იონგმა სეზონის ბოლო მატჩის ბოლო წუთებზე მსაჯს უთხრა: "გთხოვ, რაც შეიძლება მეტი დრო დაამატე, თამაშის შეწყვეტა არ მინდა"
