ინგლისის პრემიერლიგაში კურიოზული ფაქტი დაფიქსირდა - როგორც კლუბის მწვრთნელმა, კლაუდიო რანიერიმ აღნიშნა "ფულემის" ფეხბურთელმა ალფ მოუსონმა ტრავმა ბუცების ჩაცმის დროს მიიღო.
მოუსონი, რომელიც "ფულემს" "სუონსიდან" 2018 წელს შეუერთდა, 29 დეკემბერს გასამართი შეხვედრის წინ დაზიანდა.
"ეს ძალიან უცნაური და დაუჯერებელი იყო, მან ბუცების გამოცვლის დროს ფეხი საოცრად დაიზიანა, რეაბილიტაციისთვის კი საკმაო პერიოდია საჭირო, ზუსტი დრო ნამდვილად არ ვიცი", - განაცხადა კლაუდიო რანიერიმ.
როგორც ზემოთ აღვნიშნეთ ალფ მოუსონი "ფულემის" წევრი 2018 წელს გახდა, კლუბმა მასში 20 მილიონი გირვანქა გადაიხადა. მან 13 შეხვედრა ჩაატარა და ჯერჯერობით გოლი არ გაუტანია.
