ინგლისის ნაკრებმა ევროპისა და მსოფლიო ჩემპიონატების საკვალიფიკაციო ეტაპებზე 10-წლიანი წაუგებელი სერია დაასრულა - გარეთ საუთგეიტის გუნდი ევროშესარჩევში, ჩეხეთთან - 1:2 დამარცხდა.
აქამდე, "სამ ლომს" შესარჩევი ეტაპების ეგიდით გამართული ბოლო 43 შეხვედრიდან არცერთი ჰქონდა დათმობილი - 34 მოგება, 9 ფრე.
ბოლოს ინგლისმა 2009 წლის 10 ოქტომბერს, უკრაინასთან - 0:1 წააგო, მუნდიალის შესარჩევში.
მარცხის მიუხედავად, 2018 წლის მუნდიალის მეოთხეადგილოსანი ნაკრები 12 ქულით ჯგუფში პირველ ადგილზეა. შემდეგ ტურში, 14 ოქტომბერს, ინგლისი ბულგარეთს დაუპირისპირდება.