პირველი მოქმედი ფეხბურთელი ისტორიაში, რომელმაც ჰომოსექსუალიზმზე ღიად ისაუბრა
2 წლის წინ
ფეხბურთი
4 წთ
ავსტრალიელი ფეხბურთელი ჯოშუა კავალიო თავის კოლეგებს შორის, ისტორიაში პირველი მოქმედი პროფესიონალი გახდა, რომელმაც საჯაროდ საკუთარი ჰომოსექსუალური ორიენტაციის შესახებ ისაუბრა. "ადელაიდა იუნაიტედის" 21 წლის მცველი ამის შესახებ საკუთარ სოციალურ ქსელში ვრცელ, ემოციურ პოსტს აქვეყნებს.
pic.twitter.com/CwrfpeWRVL — Josh Cavallo (@JoshuaCavallo) October 27, 2021
"დღეს მე მზად ვარ ვისაუბრო რაღაც პირადულზე, რაზეც საბოლოოდ, ჩემს ცხოვრებაში პირველად, კომფორტულად ვისაუბრებ. ამაყი ვარ, რომ საჯაროდ ვაცხადებ, რომ მე გეი ვარ. ეს იყო მოგზაურობა ჩემი ცხოვრების ამ ეტაპზე მისასვლელად, მაგრამ მე ვერ ვიქნებოდი ბედნიერი ჩემი გადაწყვეტილებით, თუ მას არ განვაცხადებდი. მე უკვე ექვს წელზე მეტია ვებრძვი ჩემს სექსუალურ ორიენტაციას მიხარია, რომ შემიძლია ამაზე საუბარი, დასვენება. ადამიანებისთვის, ვინც პირადად მიცნობს, თქვენ გეცოდინებათ, რომ მე ჩაკეტილი ადამიანი ვარ. როცა ვიზრდებოდი, ყოველთვის ვგრძნობდი დამალვის საჭიროებას, რადგან მრცხვენოდა. მრცხვენოდა, რომ ვერასდროს შევძლებდი გამეკეთებინა ის, რაც მიყვარდა და ვყოფილიყავი გეი. უნდა დამემალა ვინ ვარ სინამდვილეში, რათა ამესრულებინა ოცნება, რომელიც ყოველთვის მინდოდა ბავშვობაში - მეთამაშა ფეხბურთი და მომქცეოდნენ თანაბრად, ამიტომ რეალობაზე საუბარი არ შემეძლო. იმისათვის, რომ გავმხდარიყავი პროფესიონალი ფეხბურთელი, მე უნდა მესწავლა ჩემი გრძნობების შენიღბვა. მთელი ჩემი ცხოვრება იმ ვარაუდით გავატარე, რომ ეს იყო თემა, რომელზეც არასდროს ვილაპარაკებდი. ფეხბურთში თქვენ გაქვთ მხოლოდ პატარა ფანჯარა სიდიდის მისაღწევად და საჯაროდ გამოსვლამ შეიძლება უარყოფითი გავლენა მოახდინოს კარიერაზე. როგორც გეი ფეხბურთელი, ვიცი, რომ სხვა მოთამაშეებიც ჩუმად ცხოვრობენ. მსურს დავეხმარო ამის შეცვლას. აჩვენეთ, რომ ყველას აქვს უფლება ფეხბურთის თამაშის და იმსახურებს უფლებას, იყოს ის, ვინც არის.ავსტრალიის საფეხბურთო საზოგადოებამ ახალგაზრდა ფეხბურთელის გადაწყვეტილებას მხარი დაუჭირა.გასაოცარია იმის ცოდნა, რომ ამჟამად არ არსებობს გეი პროფესიონალი ფეხბურთელები, რომლებიც აქტიურად თამაშობენ, არა მხოლოდ ავსტრალიაში, არამედ მთელ მსოფლიოში. იმედია, ეს შეიცვლება უახლოეს მომავალში. იმედი მაქვს, რომ გაგიზიარებთ ვინ ვარ. მე შემიძლია ვაჩვენო სხვებს, მათ, ვინც იდენტიფიცირებულია როგორც LGBTQ+ საზოგადოების წარმომადგენელი, რომ მათ საფეხბურთო საზოგადოებაში მიიღებენ. რადგან ფეხბურთის თამაში მუდმივად ფართო მასშტაბებს იღებს, მსურს დავეხმარო მის კიდევ უფრო განვითარებას და ჩემს სიტუაციაში მყოფმა სხვა მოთამაშეებმა იგრძნონ, რომ მარტო არ არიან. მათ, ვინც უკვე იცოდა ეს ჩემს შესახებ, სიყვარულით და მხარდაჭერით მხვდებოდა ყოველ ნაბიჯზე. მე ძალიან მადლობელი ვარ ამ მხარდაჭერისთვის. ჩემს ოჯახს და მეგობრებს - მადლობა, განსაკუთრებით, ტომი და დევიდ, რომ დამეხმარეთ ამაყად და საჯაროდ მეთქვა, რომ გეი ვარ. ჩემს "ადელაიდა იუნაიტედის" ოჯახს, გმადლობთ, უდიდესი პატივისცემით მიღებისთვის. მე ძალიან მადლობელი ვარ", - დაწერა ჯოშუა კავალიომ სოციალურ ქსელში.View this post on Instagram
View this post on Instagram
