პირველი ფეხბურთელი ნაპოლის ისტორიაში, რომელმაც სერია A-ს საწყის 2 მატჩში 3 გოლი გაიტანა - სერია A ხვიჩაზე

სერია A-ში ,,ნაპოლის'' თავდამსხმელის, ხვიჩა კვარაცხელიას შესანიშნავ სტარტს იტალიის ჩემპიონატის ტვიტერის გვერდი გამოეხმაურა.

,,წარმოგიდგენთ ხვიჩა კვარაცხელიას - პირველი ფეხბურთელი ,,ნაპოლის'' ისტორიაში, რომელმაც სერია ა-ს საწყის 2 შეხვედრაში 3 გოლი გაიტანა,'' - წერია სერია A-ს გვერდზე.

კვარაცხელიასთვის ნეაპოლური კარიერა ბრწყინვალედ დაიწყო - სერია A-ს პირველ ტურში, სადებიუტო მატჩში, ხვიჩამ თავი ,,ვერონასთან'' გოლითა და საგოლე გადაცემით გამოიჩინა, მეორე ტურში კი ქართველმა ფეხბურთელმა ,,მონცას'' დუბლი შეუსრულა.

,,ნაპოლი'' მომავალ შეხვედრას კვირას, 28 აგვისტოს, ,,ფიორენტინასთან'' სტუმრად გამართავს.