პირველი სამსახური – გუტიმ პროფესიონალური გუნდი ჩაიბარა

125
ნახვა

მადრიდის “რეალის” ყოფილი ნახევარმცველი გუტიალმერიას” მთავარი მწვრთნელია.

ლა ლიგა 2-ში მოთამაშე გუნდმა პედრო ემანუელი ორშაბათს გაათავისუფლა და მისი შემცვლელი ოფიციალურად ჯერ არ წარუდგენია, თუმცა ცოტა ხნის წინ, კლუბმა ახალი თავკაცის შესახებ მინიშნება გამოაქვეყნა.

ალმერიასTwitter-ის ოფიციალურმა გვერდმა ბეტმენის კომიქსის მსგავსი ვიდეო დადო, სადაც ცაზე ციფრი 14 ჩნდება, რომლითაც სწორედ ვეტერანი ესპანელი თამაშობდა.

ცოტა ხანში, “ალმერიას” მფლობელმა თურქმა ალ-შეიხმა თავის სოციალურ ქსელში გუტისთან ერთად გადაღებული ფოტო გამოაქვეყნა.

43 წლის ასაკში, პროფესიონალური გუნდის მთავარი მწვრთნელის რანგში ეს გუტის პირველი სამსახური იქნება, აქამდე ის “სამეფო კლუბის” აკადემიაში და “ბეშიქთაშში” სენოლ გიუნეშის ასისტენტად მუშაობდა.

ალმერიას” ლა ლიგა 2-ში 24 ქულა აქვს და მეორე ადგილს იკავებს, შემდეგ შეხვედრას კი გიორგი პაპუნაშვილისსარაგოსასთან” გამართავს.

(125)

პირველი სამსახური – გუტიმ პროფესიონალური გუნდი ჩაიბარა

სტატიის ავტორი
-