"ტოტენჰემის" მთავარმა მწვრთნელმა მაურიციო პოჩეტინომ შესაძლოა მიმდინარე სეზონი ბოლომდე ვერ ჩაამთავროს.
ჩემპიონთა ლიგის წინა სეზონის ფინალისტმა მიმდინარე გათამაშება არადამაჯერებლად დაიწყო და გარდა იმისა, რომ ევროპის ყველაზე პრესტიჟულ ტურნირზე მიუნხენის "ბაიერნთან" 2:7 განადგურდა, პრემიერლიგაში 12 ტურის შემდეგ, მეცხრე ადგილზეა.
ასეთი შედეგებით "დეზების" ხელმძღვანელობა უკმაყოფილოა და არგენტინელი სპეციალისტის დათხოვნას არ გამორიცხავს.
The Telegraph-ი იმასაც წერს, უფროსებმა პოჩეტინოს ვადა მისცეს და იმ შემთხვევაში, თუ შემდეგ ტურში გუნდი "ვესტ ჰემთან" დამარცხდება, კონტრაქტს გაუწყვეტენო.
ამჟამინდელი კონტრაქტი პოჩეტინო "ტოტენჰემს" 2023 წლამდე უკავშირდება.
"ტოტენჰემი"-"ვესტ ჰემის" პრინციპული დერბი 23 ნოემბერს, სანაკრებო პაუზის შემდეგ შედგება.
