ევროპის ჩემპიონატის პირველი ტურის მატჩები, ცენტრალური შეხვედრით: გერმანია Vs. საფრანგეთით დასრულდა, სადაც საფრანგეთის ნაკრებმა მინიმალური ანგარიშით 1:0 გაიმარჯვა და ევროპის ჩემპიონატის 1/8 ფინალისკენ დიდი ნაბიჯი გადადგა.
საფრანგეთის ეროვნული ნაკრების ნახევარდაცვის ხაზში - პოგბა და ნგოლო კანტე იდგნენ, რომლებსაც ეროვნულ ნაკრებში საოცარი შედეგი აქვთ.
როდესაც ნგოლო კანტე და პოლ პოგბა ეროვნულ ნაკრებში ერთად თამაშობენ, საფრანგეთის ნაკრები დაუმარცხებელია. მათ ერთად 28 მატჩი აქვთ ჩატარებული, საიდანაც საფრანგეთის ნაკრებმა 22 მატჩი მოიგო და 6-ჯერ ფრედ ითამაშეს, აღსანიშნავია ის ფაქტი, რომ პოგბა & კანტე-ს ერთად თამაშის დროს საფრანგეთის ნაკრები არასდროს დამარცხებულა.
