პრემიერ ლიგა მატჩის წინ ჩამუხვლასთან დაკავშირებით ცვლილებებს აპირებს

პრემიერლიგის გუნდების კაპიტნებმა ახალ პროტოკოლს მოაწერეს ხელი, რომლის თანახმადაც შეზღუდვები რასიზმის წინააღმდეგ ჟესტებს შეეხება. პრემიერლიგამ დაადასტურა, რომ ცვლილებები მუხლის მოდრეკის ჟესტს შეეხება. მოთამაშეები ყოველი მატჩის წინ მუხლს აღარ მოიდრეკენ და აღნიშნული ქმედება მხოლოდ კონკრეტული თამაშებისთვის იქნება შესაძლებელი. ოცივე კლუბის კაპიტანი ამ ცვლილებას დათანხმდა. იქვე დასძინეს, რომ რასიზმის ადგილი ფეხბურთში არაა.

 „ჩვენ კვლავ გამოვხატავთ სოლიდარობას იმ ხალხის მიმართ, ვინც რასიზმის მსხვერპლია და მტკიცედ ვრჩებით ჩვენს აზრზე. არცერთი ჩვენგანი ძალისხმევას არ დავიშურებთ, რომ რასიზმი აღმოვფხვრათ და შევქმნათ საზოგადოება, რომელიც განმსჭვალული იქნება ერთმანეთისადმი პატივისცემით.“

Ahead of the new season, #PL club captains have reaffirmed their commitment to fighting racism and all forms of discrimination. The players have decided to use specific moments during the upcoming campaign to take the knee. #NoRoomForRacism More: https://t.co/C8HxAVA9qs pic.twitter.com/vtZ6r9D2E7 — Premier League (@premierleague) August 3, 2022