ინგლისის ჩემპიონატში უდავოდ ყველაზე გამორჩეული სპეციალისტები მუშაობენ, პრემიერ ლიგის გუნდის მწვრთნელობა ნებისმიერისთვის დიდი გამოწვევაა, რადგან ინგლისის ჩემპიონის ტიტულის მოგება ძალიან რთულია, მაგალითად, "ლივერპულს" ჩემპიონობისთვის 30 წელი დასჭირდა.
ინგლისურ კლუბებში მუშაობენ ისეთი სპეციალისტები, როგორებიც არიან: ჟოზე მოურინიო, პეპ გვარდიოლა, იურგენ კლოპი და კარლო ანჩელოტი.
შეგახსენებთ, რომ ცოტა ხნის წინ "ქალაქელთა" ესპანელმა დამრიგებელმა კლუბთან კონტრაქტი 2023 წლამდე გაახანგრძლივა.
საინტერესოა, რამდენს გამოიმუშავებენ გვარდიოლა და მისი კოლეგები ყოველკვირეულად.
Sportekz-ის ინფორმაციაზე დაყრდნობით გთავაზობთ პრემიერ ლიგაში მომუშავე მწვრთნელების ჩამონათვალს ყოველკვირეული ანაზღაურების მიხედვით : 10. როი ჰოდსონი - 93.750 ფუნტი სტერლინგი კვირაში9. ბრენდან როჯერსი - 105.000 ფუნტი სტერლინგი კვირაში8. მიკელ არტეტა - 105.000 ფუნტი სტერლინგი კვირაში7. ოლე გუნარ სულშერი - 160.000 ფუნტი სტერლინგი კვირაში6. მარსელო ბიელსა - 166.660 ფუნტი სტერლინგი კვირაში5. ფრენკ ლამპარდი - 166.850 ფუნტი სტერლინგი კვირაში4. კარლო ანჩელოტი - 230.000 ფუნტი სტერლინგი კვირაში3. ჟოზე მოურინიო - 313.000 ფუნტი სტერლინგი კვირაში2. იურგენ კლოპი - 313.500 ფუნტი სტერლინგი კვირაში1. პეპ გვარდიოლა - 417.500 ფუნტი სტერლინგი კვირაში
როგორც ხედავთ, მიუხედავად იმისა, რომ მიკელ არტეტას და ფრენკ ლამპარდს დიდი სამწვრთნელო გამოცდილება არ აქვთ, ისინი პრემიერ ლიგის 10 ყველაზე მაღალანაზღაურებად მწვრთნელს შორის მაინც იმყოფებიან.
მოურინიო და კლოპი მე-3 და მე-2 ადგილს იყოფენ და მათ ყოველკვირეულ ანაზღაურებაში სხვაობა სულ რაღაც 500 ფუნტი სტერლინგია.
პირველ ადგილზე კი "სიტის" ესპანელი მთავარი მწვრთნელი პეპ გვარდიოლა იმყოფება, რომელიც ყოველკვირეულად ანაზღაურების სახით მე-2 ადგილოსან კლოპზე 104.000 ფუნტი სტერლინგით მეტს იღებს.
