„ჰადერსფილდთან„ შესრულებული ჰეთ-თრიქის შემდეგ სერხიო აგუერომ პრემიერლიგის ისტორიაში მორიგი მნიშვნელოვანი პოზიცია დაიკავა: არგენტინელ თავდამსხმელს ამ მომენტისთვის უკვე 9 ჰეთ-თრიქი მოუგროვდა და ამ მაჩვენებლით მხოლოდ "ნიუკასლის" ლეგენდას, ალან შირერს ჩამორჩება, რომელმაც 1 მატჩში 3 გოლის გატანა 11-ჯერ შეძლო.
აგუეროს გარდა 9-ჯერ ჰეთ-თრიქის შესრულება რობი ფაულერმაც შეძლო. მათ ჰარი კეინი (8), მაიკლ ოუენი (8), ტიერი ანრი (8), უეინ რუნი (7) და ლუის სუარესი (6) მოჰყვებიან.
