ინგლისის "პრემიერლიგაში" Boxing Day გაიმართა და ამით პირველი წრე დასრულდა.
ლონდონის "ჩელსიმ" სტუმრად "უოტფორდს" 1:2 მოუგო. დუბლი გაიფორმა ედენ აზარმა. ბელგიელმა ფეხბურთელმა ახალ მწვერვალს მიაღწია. ის გახდა მეათე მოთამაშე, რომელმაც "ჩელსის" შემადგენლობაში 100 და მეტი ბურთი გაიტანა. მას 101 გოლი დაუგროვდა. "ჩელსის" 100-იანთა კლუბი კი ასე გამოიყურება:
ჯორჯ ჰილსდონი (1906-1912) - 107 გოლი
ჯორჯ მილსი (1929-1943) - 123 გოლი
როი ბენტლი (1948-1956) - 150 გოლი
ჯიმი გრივსი (1957-1961) - 132 გოლი
ბობი თამბლინგი (1959-1970) - 202 გოლი
პიტერ ოსგუდი (1964-1974 ; 1978-1979) - 150 გოლი
კერი დიქსონი (1983-1992) - 193 გოლი
ფრენკ ლამპარდი (2001-2014) - 211 გოლი
დიდიე დროგბა (2004-2012 ; 2014-2015) - 164 გოლი
ედენ აზარი (2012 - ) - 101 გოლი
გარდა ედენ აზარისა, "პრემიერლიგის" 100-იანთა კლუბს "ლივერპულის" მთავარი მწვრთნელი, იურგენ კლოპი შეუერთდა. გერმანელ სპეციალისტს 100 მოგება დაუგროვდა. კლოპმა მერსესაიდული გრანდის რიგებში 100 შეხვედრა უფრო სწრაფად მოიგო, ვიდრე ლეგენდარულმა ბილ შენკლიმ და ბობ პეისლიმ. კლოპს ამისათვის მხოლოდ 181 შეხვედრა დასჭირდა.
იურგენ კლოპის შედეგი"ლივერპულის ისტორიაში საუკეთესო არ არის. მას ორი სპეციალისტი უსწრებს. პირველი რაფა ბენიტესია, რომელსაც "წითლებში" 100 თამაშის მოსაგებად 174 შეხვედრა დასჭირდა, ხოლო საუკეთესო შედეგი კენი დალგლიშს ეკუთვნის. მან 100 თამაშის მოგება 159 შეხვედრაში შეძლო.