"პარი სენ-ჟერმენს" ჩემპიონთა ლიგის 1/8-ფინალის საპასუხო შეხვედრაში გუნდის ერთ-ერთი ლიდერი მარკო ვერატი ვერ დაეხმარება.
იტალიელი ნახევარმცველი 12 მარტს დისკვალიფიკაციის გამო ვერ ითამაშებს. პირველი მატჩის მიწურულს მან ყვითელი ბარათი მიიღო, რაც დასჯის მიზეზი გახდა.
ფრანგული კლუბის ბოლო მატჩში ძირითად შემადგენლობაში მოხვედრის შედეგად, ვერატი ჩემპიონთა ლიგაში "პსჟ-ს" მაისურით ჩატარებული შეხვედრების რაოდენობით რეკორდსმენი გახდა.
