ქართველი ფეხბურთელი საფეხბურთო სტატისტიკის მწარმოებელი წამყვანი გერმანული ვებ-გვერდის transfermarkt.com-ის მთავარ გვერდზე მოხვდა.
გიორგი გოროზია მსოფლიოს ერთ-ერთი უმსხვილესი სპორტული გვერდის ყველაზე ნახვადი ფეხბურთელების სიაში ლიდერობს. მეორე ადგილზე ლიონელ მესი, მესამეზე კი კრიშტიანუ რონალდუა.
24 წლის ნახევარმცველი ამჟამად უკლუბოდაა. ბოლოს ის თბილისის "ლოკომოტივში" თამაშობდა, რომელიც მიმდინარე წლის პირველ დღეს დატოვა, მანამდე კი ქუთაისის "ტორპედოში", "ზირაში", "ჰიბერნიანში", "როვენიემში" და "სტაბეკში" უთამაშია.
