ქეცბაიას წარმატებული დებიუტი - კვიპროსმა საბერძნეთს მოუგო
ერთა ლიგის C დივიზიონის მე-5 ტურის შეხვედრაში კვიპროსის ეროვნულნა ნაკრებმა, რომელსაც თემურ ქეცბაია წვრთნის, საბერძნეთს უმასპინძლა და 1:0 დაამარცხა.
მატჩის ერთადერთი გოლი მე-18 წუთზე მასპინძელთა 21 წლის ნახევარმცველმა, მარინოს ციონისმა გაიტანა.
კვიპროსელთა გამარჯვება მნიშვნელოვანი იყო საქართველოს ნაკრებისთვის, რადგან საბერძნეთი, რომელსაც ევრთა ლიგის ფლეიოფის საგზური უკვე გაფორმებული აქვს, C დივიზიონში ჩვენი გუნდის კონკურენტია.
ახლა ბერძნების ანგარიშზე 5 ტურის შემდეგ 12 ქულაა, საქართველო კი ჯგუფს 13 ქულით ლიდერობს. შესაბამისად, ბოლო ტურში სანიოლის გუნდი გიბრალტარის დამარცხების შემთხვევაში (ორშაბათს, 26 სექტემბერს, სტუმრად), უდიდესი ალბათობით, C დივიზიონს მინიმუმ მეორე საუკეთესო შედეგით დაასრულებს და ერთა ლიგის ფლეი ოფის ნახევარფინალურ მატჩს საკუთარ მოედანზე ჩაატარებს.
კვიპროსი მომავალ შეხვედრას სამშაბათს, 27 სექტემბერს, კოსოვოსთან სტუმრად გამართავს.
Λήξη της αναμέτρησης στην ΑΕΚ Arena της Λάρνακας.🔵⚪️ #Finalscore #nationalteam #CYPGRE pic.twitter.com/FNTrkU9Mo5
— Ethniki Omada (@EthnikiOmada) September 24, 2022