ყველაფერი, რაც 2022 წლის მსოფლიო ჩემპიონატის წილისყრის შესახებ უნდა ვიცოდეთ
3 წლის წინ
ფეხბურთი
3 წთ
ფორმატი
ყატარის საგზურისთვის 10 ჯგუფში გადანაწილებული 55 ქვეყანა იბრძოლებს, დასკვნით ეტაპზე კი 13 ქვეყანა იასპარეზებს. კენჭისყრაზე მოცემული იქნება 6 კალათა: 5 მათგანში 10 ქვეყანა იქნება მოქცეული, მეექვსეში კი - 5. როგორც აღვნიშნეთ, 55 ქვეყნის წარმომადგენელი ნაკრები 10 ჯგუფში გადანაწილდება (A-დან J-ის ჩათვლით). საშინაო და გასვლითი შეხვედრები მომდევნო წლის მარტი-ნოემბრის პერიოდში გაიმართება.როგორ ჩამოყალიბდება პლეი-ოფი?
პირველ ადგილზე გასული 10 გუნდი მსოფლიო ჩემპიონატზე ავტომატურად ხვდება. დარჩენილი 3 ადგილისთვის, 3 სხვადასხვა პლეი-ოფში, მეორეადგილოსანი და ასევე, საუკეთესო მესამეადგილოსანი გუნდები იბრძოლებენ.
რომელ კალათშია საქართველო?
კალათებში გადანაწილების საკითხს FIFA-ს უახლესი რეიტინგი წყვეტს, სადაც საქართველო 89-ე ადგილს იკავებს.კალათი 1: ბელგია, საფრანგეთი, ინგლისი, პორტუგალია, ესპანეთი, იტალია, ხორვატია, დანია, გერმანია, ნიდერლანდები;
კალათი 2: შვეიცარია, უელსი, პოლონეთი, შვედეთი, ავსტრია, უკრაინა, სერბერთი, თურქეთი, სლოვაკეთი, რუმინეთი;
კალათი 3: რუსეთი, უნგრეთი, ირლანდია, ჩეხეთი, ნორვერგია, ჩრდილოეთ ირლანდია, ისლანდია, შოტლანდია, საბერძნეთი, ფინეთი;
კალათი 4: ბოსნია-ჰერცეგოვინა, სლოვენია, მონტენეგრო, ჩრდილოეთ მაკედონია, ალბანეთი, ბულგარეთი, ისრაელი, ბელარუსი, საქართველო, ლუქსემბურგი;
კალათი 5: სომხეთი, კვიპროსი, ფარერები, აზერბაიჯანი, ესტონეთი, კოსოვო, ყაზახეთი, ლიეტუვა, ლატვია, ანდორა;
კალათი 6: მალტა, მოლდოვა, ლიხტენშტეინი, გიბრალტარი, სან მარინო.
როდის დაიწყება 2022 წლის მსოფლიო ჩემპიონატი?
ტურნირი სტარტს 2022 წლის 21 ნოემბერს, ალ ბაითის სტადიონზე აიღებს. არასამთავრობო ორგანიზაციის, Amnesty International-ის თანახმად, სტადიონის 100 მშენებელს წელს ხელფასი არ აუღია, ორგანიზატორების თანახმად კი, ალ ბაითის სტადიონი უნიკალური, ნათელი მომავლის ამსახველი ადგილი იქნება.
სხვა სტატიები
