"მანჩესტერ სიტის" შემტევი, რაჰიმ სტერლინგი "პრემიერლიგის" ნოემბრის თვის საუკეთესო ფეხბურთელია.
ინგლისელი მოთამაშე საკუთარ გუნდს ნოემბერში ჩატარებულ სამივე მატჩში დაეხმარა და ერთ-ერთი საუკეთესო იყო. "მანჩესტერ სიტიმ" "საუთჰემპტონი" 6:1 გაანადგურა, შემდეგ დერბიში "მანჩესტერ იუნაიტედს" 3:1 სძლია, ხოლო "ვესტ ჰემს" 0:4 მოუგო. სტერლინგმა კი ამ სამ თამაშში 3 ბურთი გაიტანა და 3 საგოლე გადაცემა მიითვალა. მიმდინარე სეზონში კი 13 თამაშში 8 ბურთის გატანა მოასწრო.