დღეს გამთენიისას, საქართველოს ნაკრებისა და ამერიკული კლუბის "სან-ხოსეს" 26 წლის თავდამსხმელმა - ვაკო ყაზაიშვილმა MLS-ში (ამერიკის ჩემპიონატში) მორიგი ულამაზესი გოლი გაიტანა.
აღსანიშნავია, რომ ვაკომ MLS-ის ზედიზედ მესამე თამაშში შეძლო გოლის გატანა.
22-ე ტურისთვის ვაკოს მონაგარი 7 გოლი და 3 საგოლე გადაცემაა, რითაც იგი ბომბარდირთა დავაში მე-8 ადგილს იკავებს. MLS-ის ბომბარდირი კი 22 გოლით კარლოს ველაა.
"სან-ხოსე"-ში ვაკოზე მეტი გოლი მხოლოდ 36 წლის კრის ვონდოლოვსკის აქვს გატანილი, რომელიც რამდენიმე თვის წინ MLS-ის ყველა დროის საუკეთესო ბომბარდირი გახდა.
ვაკო ყაზაიშვილის კლუბი 22 ტურის შემდეგ მე-4 ადგილზე 37 ქულით იმყოფება.