მადრიდის "რეალის" პრეზიდენტმა ფლორენტინო პერესმა ჟურნალისტებთან განცხადება გააკეთა, სადაც მან მადრიდის "რეალის" აკადემიის, "კასტილიის" მწვრთნელი დაასახელა.
"მადრიდის რეალის აკადემიას ახალი მწვრთნელი ეყოლება, ეს გახლავთ ჩვენი გუნდის ერთ-ერთი ლეგენდარული ფეხბურთელი რაულ გონსალეს ბლანკო", - განაცხადა პერესმა.
რაული მადრიდელების ღირსებას 1994 წლიდან 2010 წლამდე იცავდა, ის მართლაც მათი ლეგენდაა, მან "რეალის" მაისურით 741 შეხვედრა ჩაატარა, სადაც 325 გოლი გაიტანა და 107 საგოლე გადაცემა მიითვალა.