"ჩელსი" - "აიაქსის" უხვგოლიანი (4:4) შეხვედრა არაერთი ფაქტით იყო გამორჩეული, მათ შორის იმით, რომ მასპინძელთა შემადგენლობიდან გოლის გატანა 19 წლის რის ჯეიმსმა შეძლო, რაც კლუბის რეკორდია.
ინგლისელი ფეხბურთელი, რომელიც ფრენკ ლამპარდმა მოედანზე მეორე ტაიმში შეუშვა, მატჩის დღეს 19 წლისა და 332 დღის იყო, ამაზე ახალგაზრდა ფეხბურთელის ჩემპიონთა ლიგაში "ჩელსის" მაისურით გოლი არ გაუტანია.
ჯეიმსი "ჩელსის" აკადემიის აღზრდილია და კლუბში 2006 წლიდან ირიცხება. წინა წელს ის "უიგანში" იყო განათხოვრებული.
ამ სეზონში ჯეიმსმა "ჩელსის" 10 შეხვედრაში ითამაშა, 2 გოლი გაიტანა და ამდენივე საგოლე პასი გააკეთა.
