"ლივერპულის" ბრაზილიელმა ვარსკვლავმა, რობერტო ფირმინომ მორიგი აღიარება მოიპოვა. ფირმინო "Samba Gold award" 2018-ის გამარჯვებული გახდა. აღნიშნული ჯილდო ევროპის ტოპ-ლიგებში მოასპარეზე საუკეთესო ბრაზილიელ ფეხბურთელებს გადაეცემათ.
"Samba Gold award" 2018-ის მთავარი პრეტენდენტები რობერტო ფირმინო, მარსელო და ნეიმარი იყვნენ. ჟურნალისტების, ცნობილი ადამიანებისა და გულშემატკივრების მიერ მიცემული ხმების თანახმად - ტიტულის მფლობელი რობერტო ფირმინო გახდა.
