როგორია როი კინის რეაქცია, როდესაც მას სელფის გადაღებას სთხოვენ

წარმოიდგინეთ, ქუჩაში მიდიხართ და შემთხვევით "მანჩესტერ იუნაიტედის" ლეგენდას, როი კინს ხვდებით. დიდი ალბათობით, თქვენ მასთან ფოტოს გადაღებას მოისურვებთ, რათა ეს მომენტი უკეთესად დაგამახსოვრდეთ და მეგობრებსაც გაუზიაროთ. უმეტეს შემთხვევაში, ცნობილი ადამიანები სელფის გადაღებაზე უარს არ ამბობენ. ისინი ჩერდებიან და კამერის მიმართულებით იღიმებიან, თუმცა როი კინის შემთხვევაში, ყველაფერი სხვანაირად ვითარდება. მანჩესტერში მცხოვრებმა ჟურნალისტმა, ტომ მაკდერმოტმა Twitter-ზე ასეთი სტატუსი გამოაქვეყნა: "ახლახანს როი კინი დავინახე, ლოურის მიმართულებით, ხიდზე გადადიოდა. ძალიან გაბრაზებული ჩანდა. ალბათ ვინმემ სელფის გადაღება სთხოვა."

Just saw Roy Keane walking over the bridge towards the Lowry. Looked really p!ssed off. Someone must have asked for a selfie. — Tom McDermott (@MrTomMcDermott) December 17, 2015

კინმა მაშინვე ჰკითხა, თუ რატომ უნდა გადაეღო მასთან ერთად სელფი. იმ ადამიანმა უპასუხა, რომ სურდა, ფოტო მეგობრებისთვის ეჩვენებინა. ირლანდიელმა კი უთხრა: "უბრალოდ უთხარი მათ, რომ დამინახე." ეს იყო და ეს.