რომან აბრამოვიჩი ჩელსის ხელმძღვანელის პოსტიდან მოხსნეს

დიდი ბრიტანეთის მიერ რომან აბრამოვიჩის მიმართ დაწესებული სანქციების გამო, პრემიერლიგამ რუსი მილიარდერი ,,ჩელსის'' ხელმძღვანელის პოსტიდან მოხსნა. 10 მარტს, ვლადიმერ პუტინთან კავშირისთვის, ბრიტანეთის მთავრობამ აბრამოვიჩს სანქციები დაუწესა. სასჯელი ,,ჩელსისაც” შეეხო – ლონდონური გუნდი საშინაო მატჩებზე ბილეთებს ვერ გაყიდის და შეხვედრებს მხოლოდ ის გულშემატკივრები დაესწრებიან, ვისაც სეზონური აბონიმენტი აქვთ ნაყიდი. გარდა ამისა, კლუბი ვერც ფეხბურთელების ყიდვა-გაყიდვას შეძლებს. მას შემდეგ რაც, აბრამოვიჩის ინგლისში ცხოვრებას საფრთხე დაემუქრა, ბიზნესმენმა ,,ჩელსის'' გაყიდვა გადაწყვიტა, თუმცა დაწესებული სანქციებით ესეც აეკრძალა. რუსმა ოლიგარქმა ლონდონური გუნდი 2003 წელს შეიძინა. მას შემდეგ ,,არისტოკრატებმა'' პრემიერლიგა 5-ჯერ, ჩემპიონთა ლიგა და ევროპა ლიგა კი 2-2-ჯერ მოიგეს.

Roman Abramovich disqualified from owning Chelsea by Premier League https://t.co/7HXtozeA70 pic.twitter.com/vinzarlWm5 — The Sun (@TheSun) March 12, 2022