"იუვენტუსის" პორტუგალიელი სუპერვარსკვლავი Transfermarkt-ის მიერ გამოქვეყნებული ინფორმაციის მიხედვით მე-9 ადგილს იკავებს სერია ა-ს ყველაზე ძვირადღირებულ ფეხბურთელებში.
მას შემდეგ, რაც ხუთგზის ოქროს ბურთის მფლობელი 2018 წელს "რეალიდან" "იუვენტუსში" გადაბრაგდა, მან იტალიის ჩემპიონატში 55 გოლის გატანა შეძლო.
კრიშტიანუ სერია ა-ს ყველაზე ძვირადღირებული ფეხბურთელების სიაში მე-9 ადგილს 54 მილიონი ფუნტი სტერლინგის სატრანსფერო ღირებულებით იკავებს, ზუსტად იგევე სატრანსფერო ღირებულება აქვს "მილანის" მეკარე ჯანლუიჯი დონარუმას.
უშუალოდ "იუვენტუსში" რონალდუ სატრანსფერო ღირებულებით მე-3 ადგილს იკავებს.მე-2 და პირველ ადგილს კი მატიას დე ლიხტი და პაულო დიბალა იკავებენ.
იტალიის ჩემპიონატის ყველაზე ძვირადღირებული ფეხბურთელი "ინტერის" ბელეგიელი ფორვარდი რომელუ ლუკაკუა 76 მილიონი ფუნტი სტერლინგის სატრანსფერო ღირებულებით. ლუკაკუ "მანჩესტერ იუნაიტედიდან" გადმოსვლის შემდეგ მშვენივრად შეეწყო იტალიურ კლუბს და გასულ სეზონში 57 შეხვედრაში 41 გოლი გაიტანა. რთული პერიოდის შემდეგ ლუკაკუ ახლა ერთ-ერთ საუკეთესო თავდამსხმელად ითვლება.
10 ყველაზე ძვირადღირებული მოთამაშის რეიტინგი სერია ა-ში: 10. არტური (იუვენტუსი)- 54 მილიონი9. კრიშტიანუ რონალდუ (იუვენტუსი)- 54 მილიონი8. ჯანლუიჯი დონარუმა (მილანი)- 54 მილიონი7. სტეფან დე ვრი (ინტერი)- 54 მილიონი6. სერგერი მილინკოვიჩ-სავიჩი (ლაციო)- 58.50 მილიონი5. კალიდუ კულიბალი (ნაპოლი)- 58.50 მილიონი4. ლაუტარო მარტინესი (ინტერი)- 63 მილიონი3. მატიას დე ლიხტი (იუვენტუსი)- 63 მილიონი2. პაულო დიბალა (იუვენტუსი)- 72 მილიონი1. რომელუ ლუკაკუ (ინტერი)- 76.50 მილიონი
