ინგლისურმა მედიამ საკმაოდ საინტერესო ციფრები გაავრცელა.
მოგეხსენებათ, ფეხბურთის ისტორიის მანძილზე, განსაკუთრებით კი ბოლო წლებში გუნდები ტრანსფერებში კოლოსალურ თანხებს იხდიან.
ინგლისელი ჟურნალისტები ამ მხრივ 1991/92 წლების მდგომარეობით დაინტერესდნენ.
ცნობილია, რომ აღნიშნულ პერიოდში ყველაზე მეტს კატალონიის "ბარსელონა" ხარჯავდა - 50 მილიონი ევრო.
"ბლაუგრანას" 43 მილიონით მოსდევს "იუვენტუსი", მე-3 ადგილზე კი "მილანია" - 24 მილიონი ევრო.
რაც შეეხება დღევანდელ მდგომარეობას, ყველაზე მეტ თანხას "მანჩესტერ სიტი" ხარჯავს - მილიარდ 345 მილიონი, მე-2 "ჩელსი" - მილიარდ 105 მილიონი, მე-3 პოზიციაზე კი - "მანჩესტერ იუნაიტედია" - მილიარდი და ოდნავ მეტი.
