რონალდო Vs. მესი ან იუვენტუსი Vs. ბარსელონა
3 წლის წინ
ფეხბურთი
2 წთ
"ბარსელონასა" და "იუვენტუსის" დაპირისპირება ჯგუფში პირველი ადგილის ბედს გაარკვევს, პირველ შეხვედრაში კატალონიელებმა მეტოქე ანგარიშით 0:2 დაამარცხეს და შესაბამისად დიდი უპირატესობაც მოიპოვეს, იტალიელებს პირველი ადგილისთვის მინიმუმ 3 გოლი აქვთ გასატანი. აღსანიშნავია, რომ ჯამურად მესიმ და რონალდუმ ერთმანეთის პირისპირ მინდორზე 35-ჯერ (ოფიციალურ და არაოფიციალურ შეხვედრებში) ითამაშეს, საიდანაც 16 შემთხვევაში არგენტინელის გუნდმა იმარჯვა, 9 შემთხვევაში ფრე, 10 შემთხვევაში კი რონალდუ აღმოჩნდა გამარჯვებულის ამპლუაში.
რაც შეეხება ჩემპიონთა ლიგას, აქამდე მესი და რონალდუ ევროპის ყველაზე პრესტიჟული ტურნირის ეგიდით გამართულ შეხვედრებში 5-ჯერ შეხვდნენ ერთმანეთს. აღსანიშნავია, რომ კრიშტიანუ რონალდუს აღნიშნულ 5 დაპირისპირებაში არცერთი გოლი არ აქვს გატანილი. ცნობისთვის, "იუვენტუსი" და "ბარსელონა" ჩემპიონთა ლიგაზე ერთმანეთს 10-ჯერ დაუპისირპირდნენ, საიდანაც იტალიელებმა 2-ჯერ იმარჯვეს, ესპანელებმა 4-ჯერ, ხოლო საყაიმო ანგარიში 4-ჯერ დაფიქსირდა (ჯამური ბურთების შეფარდება - "იუვენტუსი" 8:12 "ბარსელონა").