ევროპის ჩემპიონატი დასრულდა - ფინალურ მატჩში იტალიამ უემბლიზე ინგლისის დამარცხება პენალტების სერიაში მოახერხა.
ახლა უკვე ოფიციალურად - კრიშტიანუ რონალდუ ევრო 2020-ის საუკეთესო ბომბარდირი გახდა. 36 წლის ფეხბურთელმა, მიუხედავად იმისა, რომ პორტუგალია მერვედფინალში ბელგიასთან გამოვარდა, 5 გოლის გატანა მოახერხა. იგივე რაოდენობის გოლები ჰქონდა პატრიკ შიკსაც, თუმცა, რონალდუ გერმანიასთან შესრულებული საგოლე გადაცემის წყალობით, ტურნირის ოქროს ბუცის მფლობელი გახდა.
