ხვალ "გენტი" ჩემპიონთა ლიგის პლეი-ოფის საპასუხო შეხვედრაში "დინამო კიევს" დაუპირისპირდება.
შეგახსენებთ, რომ გუნდებს შორის პირველი მატჩი ბელგიაში უკრაინელთა გამარჯვებით, 1:2 დასრულდა.
"გენტმა" იმ 20 ფეხბურთელის ვინაობა დაასახელა, ვინც კიევში ხვალ გასამართი თამაშისთვის გაემგზავრა. მცირე პაუზის შემდეგ განაცხადში დაბრუნდა გიორგი ჩაკვეტაძე. 21 წლის ქართველმა ვინგერმა 2 კვირის წინ "რაპიდთან" ტრავმა მიიღო და კიეველებთან შინ ვერ ითამაშა.
ბელგიური მედია "გენტის" შანსებს "შეუსრულებელ მისიად" აფასებს, ხოლო ბელგიელებს ჩაკვეტაძე, რომელიც 90 წუთის სათამაშოდ მზად, სავარაუდოდ, არ არის, ძალიან სჭირდებათ.