რუსეთის პრემიერლიგაში კორონავირუსის მორიგი შემთხვევები დაფიქსირდა. "სოჭში" 9 ადამიანის ტესტმა დადებითი პასუხი აჩვენა.
აღნიშნულ ინფორმაციას რუსეთის ფეხბურთის ფედერაცია ავრცელებს, თუმცა ცნობილი არაა კორონავირუსი ფეხბურთელებს თუ კლუბში მომუშავე პირებს დაუდგინდათ.
ვლადიმირ ფედოტოვის გაწვრთნილი გუნდი 16 გუნდიან ჩემპიონატში მე-12 პოზიციას იკავებს. "სოჭს" დღეს პრემიერლიგის 29-ე ტურში "ტამბოვთან" უნდა ეთამაშა, თუმცა შეხვედრა გადაიდო.
