სადიო მანე მსოფლიო ჩემპიონატის ჯგუფური ეტაპის მატჩებს გამოტოვებს
მიუნხენის ,,ბაიერნისა'' და სენეგალის ეროვნული ნაკრების თავდამსხმელი, სადიო მანე, მსოფლიო ჩემპიონატის ჯგუფურ ეტაპზე ვერ ითამაშებს. ინფორმაციას სენეგალის ფეხბურთის ფედერაციის წარმომადგენელი, აბდულაი სოუ ავრცელებს:
,,მსოფლიო ჩემპიონატის პირველ მატჩებში სადიო მანეს გარეშე ვითამაშებთ, ვიმედოვნებ, რომ მათ მოგებას შევძლებთ. გუნდში ეს არავის სურდა, მაგრამ, სამწუხაროდ, ასე მოხდა,'' - სოუს სიტყვებს BBC-ი ციტირებს.
მანემ ტრავმა ,,ვერდერთან'' ბუნდესლიგის შეხვედრის პირველ ტაიმში მიიღო, რის გამოც მოედანი ნაადრევად დატოვა. დაზიანების მიუხედავად, ფეხბურთელი მისი ნაკრების სამუნდიალო განაცხადში მაინც მოხვდა.
სენეგალის ნაკრები მსოფლიო ჩემპიონატის A ჯგუფში ნიდერლანდებთან, ყატართან და ეკვადორთან ერთად იასპარეზებს.
Senegal forward Sadio Mane will miss his team's "first games" at the World Cup because of a leg injury 👇 pic.twitter.com/LB5yq5DSMV
— Sky Sports News (@SkySportsNews) November 15, 2022
სხვა სტატიები
