სახელმწიფო გადატრიალება გვინეაში | ფეხბურთელების ადგილსამყოფელი გასაიდუმლოებულია

მსოფლიო საკლუბო ფეხბურთში სანაკრებო პაუზაა, ვინაიდან მსოფლიო ჩემპიონატის საკვალიფიკაციო მატჩები იმართება. აფრიკის ზონიდან საკვალიფიკაციო ეტაპის მატჩი გვინეასა და მაროკოს შორის უნდა გამართულიყო, თუმცა, სახელმწიფო გადატრიალების გამო შეხვედრა გადაიდო. საყურადღებოა, რომ გვინეასა და მაროკოს რიგებში ისეთი დონის ფეხბურთელებიც იყვნენ გამოძახებულები, როგორებიც არიან ნაბი კეიტა (ლივერპული) და აშრაფ ჰაკიმი (პსჟ). გვინეას დედაქალაქში სახელმწიფო გადატრიალების შემდეგ, ფეხბურთელების ადგილსამყოფელითა და მათი უსაფრთხოებით გულშემატკივარი და მსოფლიო სპორტული მედია დაინტერესდა. ფეხბურთელების მდგომარეობით დაინტერესებულთა შორის იყვნენ "ლივერპულის" სახელმძღვანელო შტაბიდანაც. "ჩვენ მუდმივ კონტაქტში ვართ ნაბისთან და რეგულარულად ვცდილობთ მისი მდგომარეობისა და უსაფრთხოების შემოწმებას" "კმაყოფილები ვართ, რომ კეიტა თავს დაცულად გრძნობს. ცხადია, რომ სიტუაცია ცვალებადია და ნებისმიერ დროს შეიძლება მდგომარეობა რადიკალურად შეიცვალოს, სწორედ ამიტომ ჩვენ მუდმივ რეჟიმში ვცდილობთ, რომ ნაბი ლივერპულში დროულად და უსაფრთხოდ დავაბრუნოთ", - აცხადებს "ლივერპულის" წარმომადგენელი.

Thank you all for the messages and the support, it has been a very intense day but thank God we are safe and sound in Morocco. Good night ✌🏾🇲🇦 #Alhamdulillah 🤲🏽 pic.twitter.com/99nJYTVpbn — achrafhakimi (@AchrafHakimi) September 6, 2021