სალაჰი ჩემპიონთა ლიგის ისტორიაში შევიდა
UEFA-ს ჩემპიონთა ლიგის ჯგუფური ეტაპის მე-4 ტურის შეხვედრაში, "რეინჯერსისა" და "ლივერპულის" დაპირისპირება შედგა. შოტლანდიელთათვის საკულტო სტადიონზე გამართული მატჩი, "რეინჯერსის" განადგურებით დასრულდა. "აიბროქსზე" მასპინძლები 1:7 დამარცხდნენ.
მერსისაიდული გრანდის ლიდერი მოჰამედ სალაჰი უკანასკნელ პერიოდში არც ისე სახარბიელო ფორმაში იმყოფება. აღნიშნულიდან გამომდინარე, "რეინჯერსის" წინააღმდეგ, სალაჰი სათადარიგოთა სკამზე იჯდა და მოედანზე 68-ე წუთზე შევიდა. ფარაონს ჰეთ-თრიკის შესასრულებლად მხოლოდ 6 წუთი და 12 წამი დასჭირდა. სალაჰმა "რეინჯერსის" კარი 75-ე, მე-80 და 81-ე წუთებზე აიღო და ჩემპიონთა ლიგის ისტორიაში ყველაზე სწრაფი ჰეთ-თრიკის ავტორი გახდა. სალაჰმა ისეთი სახელოვანი ვარსკვლავები დაჩრდილა, როგორიცაა: კრიშტიანუ რონალდუ, რობერტ ლევანდოვსკი და რაჰიმ სტერლინგი.
Remarkable, @MoSalah ✨ pic.twitter.com/e1D7fDn6CA
— Liverpool FC (@LFC) October 12, 2022
სამივე შემთხვევაში საგოლე გადაცემის ავტორად დიოგო ჟოტა მოგვევლინა, რომელმაც ასევე ბრწყინვალე სტატისტიკა დააფიქსირა. პორტუგალიელმა შემტევმა 3 საგოლე გადაცემა შეასრულა, 4 საგოლე შანსი შექმნა და პასების 100%-იანი სიზუსტით გამოიჩინა თავი.
განვლილი 4 ტურის შემდეგ, "ლივერპული" A-ჯგუფში, 9 ქულით მე-2 პოზიციაზე იმყოფება. მერსისაიდელები მხოლოდ "ნაპოლისთან" დამარცხდნენ, რომელიც ქვეჯგუფის ლიდერია.
- ხვიჩა კვარაცხელიას ყველა მომენტი აიაქსთან | VIDEO
- მატჩის საუკეთესო – ხვიჩა კვარაცხელიას შეფასება აიაქსის წინააღმდეგ
- რა ხდებოდა კვარაცხელიას გოლის შემდეგ ნაპოლის სტადიონზე
ლეგენდარულ "დიეგო არმანდო მარადონას" სახელობის სტადიონზე გამართულ შეხვედრაში, "ნაპოლიმ" ამსტერდამის "აიაქსს" უმასპინძლა და 4:2 დაამარცხა. აღნიშნულ შეხვედრაში ხვიჩა კვარაცხელიამ გოლის გატანა და საგოლე გადაცემის შესრულება შეძლო. სხვადასხვა გავლენიანმა სტატისტიკურმა ვებგვერდებმა კვარაცხელიას ყველაზე მაღალი შეფასება დაუწერეს - ხოლო UEFA-მ იგი მატჩის საუკეთესო მოთამაშედ დაასახელა.
"აიაქსის" დამარცხების შემდეგ, ნეაპოლელებმა ჩემპიონთა ლიგის პლეი-ოფში ასპარეზობის უფლება გაინაღდეს.
სხვა სტატიები
