"ლივერპულმა" პრემიერ ლიგის 30-ე ტურში "მანჩესტერ იუნაიტედი" 4:0 გაანადგურა. კრიშტიანუ რონალდუს გარეშე მყოფ "წითელ ეშმაკებს" მოჰამედ სალაჰმა ორი გოლი გაუტანა.
გუშინდელი დუბლით, ეგვიპტელმა ვინგერმა ისტორიული შედეგი დააფიქსირა. ფეხბურთელი პრემიერ ლიგის ისტორიაში სალაჰი არის პირველი ფეხბურთელი, რომელმაც "იუნაიტედს" ერთ სეზონში 5 გოლი გაუტანა. შეგახსენებთ, რომ პირველ წრეში, "ოლტ ტრაფორდზე" გამართულ შეხვედრაში მოჰამედმა ჰეთ-თრიქი შეასრულა.
მიმდინარე სეზონში 30 წლის სალაჰის ანგარიშზე 22 გოლი და 12 საგოლე გადაცემაა. 76 ქულით ახლა "ლივერპული" პირველ ადგილს იკავებს, თუმცა "მანჩესტერ სიტის" ერთი თამაშით ნაკლები აქვს ჩატარებული.