მანჩესტერ სიტის გერმანელმა ფეხბურთელმა ლეროი სანემ სპორტულ მედიაში აქტიურად გავრცელებულ ხმებთან დაკავშირებით, რომლებიც მის "ბაიერნში" შესაძლო გადასვლაზე აკეთებდნენ აქცენტს, კომენტარი გააკეთა.
"მიუნხენში შესაძლო გადასვლასთან დაკავშირებით ერთადერთი რაც შემიძლია ვთქვა, არის ის, რომ ამ ეტაპზე უბრალოდ დასვენების პერიოდი მაქვს, დანარჩენს ჩვენ ყველა ერთად ვნახავთ", - განაცხადა სანემ უმსხვილეს გერმანულ მედიაგამოცემა Bild-თან საუბრისას.
შეგახსენებთ, ლეროი სანემ "მანჩესტერ სიტიში" 133 შეხვედრა ჩაატარა, რომელშიც 39 გოლსა და 45 საგოლე გადაცემას მოუყარა თავი.
