"სტად დე ფრანსზე" გამართული შეხვედრა, რომელშიც საფრანგეთი - ჰოლანდიას დაუპირისპირდა, მასპინძელთა გამარჯვებით დასრულდა. მსოფლიოს მოქმედმა ჩემპიონმა, კილიან მბაპესა და ოლივიე ჟირუს გოლების წყალობით, მოწინააღმდეგეს 2:1 სძლია. ჰოლანდიის შემადგენლობაში, ერთადერთი გოლის ავტორად რაიან ბაბელი მოგვევლინა.
აღსანიშნავია, რომ ფრანგებმა მოწინააღმდეგე ყველა კომპონენტში დაჩაგრეს. დიდიე დეშამის გაწვთნილი ნაკრები სრული მატჩის განმავლობაში დომინირებდა და რომ არა იასპერ სილესენის რამდენიმე გამორჩეული სეივი - ანგარიშში სხვაობა გაცილებით უფრო სოლიდური იქნებოდა.
