მსოფლიო ჩემპიონატის ტრიუმფით დასრულების შემდეგ, საფრანგეთის საფეხბურთო ნაკრებმა პირველი საშინაო მატჩი "სტად დე ფრანსზე" გამართა. UEFA-ს ერთა ლიგის ეგიდით გამართულ დაპირისპირებაში, საფრანგეთმა - ჰოლანდია 2:1 დაამარცხა.
შეხვედრის დაწყებამდე ერთგვარი შოუ გაიმართა. საფრანგეთის ნაკრების თითოეული ფეხბურთელის პერსონალური წარდგენის შემდეგ, ეროვნულ ნაკრებს მსოფლიო ჩემპიონის ტიტულის მოპოვება, გულშემატკივრებმა პომპეზური ბანერებითა და ტრიბუნების ორიგინალური გაფორმებით მიულოცეს.
