საქართველოსა და ესპანეთს შორის, 28 მარტს გასამართი შეხვედრის ყველა ბილეთი გაყიდულია.
გულშემატკივარმა გაყიდვების დაწყებიდან 9 საათზე ნაკლებში 15 000 ბილეთი შეიძინა. როგორც მოგეხსენებათ, რეგულაციები თანახმად, თამაშს გულშემატკივართა შეზღუდული რაოდენობა დაესწრება, რაც სტადიონის საერთო ტევადობის 30 პროცენტს მოიცავს.
Covid 19-ის პანდემიის გამო ქვეყანაში არსებული რეგულაციებიდან გამომდინარე, შეხვედრაზე დასასწრები ყველა ბილეთის რეალიზაცია ონლაინ რეჟიმში მოხდა.
საქართველოსა და ესპანეთს შორის გასამართ მატჩს "დინამო არენა" უმასპინძლებს. თამაში თბილისის დროით 20:00 საათზე დაიწყება.
