საქართველო, სან მარინო და ლიხტენშტეინი – 3 ნაკრები, რომლებსაც ბოლო 9 წელში მოგება არ აქვთ

საქართველოს ეროვნული ნაკრები მსოფლიოს 2022 წლის ჩემპიონატის შესარჩევ ეტაპზე კოსოვოსთან 0:1 დამარცხდა.

ვილი სანიოლის გუნდს B ჯგუფში ჩატარებული 4 მატჩის შემდეგ მხოლოდ 1 ქულა აქვს და ბოლო ადგილზეა.

საქართველოს ნაკრებმა მსოფლიო ჩემპიონატების შესარჩევ ეტაპზე ბოლოს 2012 წლის 7 სექტემბერს, ბელარუსთან მოიგო. თემურ ქეცბაიას გუნდმა მაშინ თბილისში თორნიკე ოქრიაშვილის ერთადერთი გოლით მოიგო.

ქართველი გულშემატკივრისთვის რაც არ უნდა სამწუხარო იყოს, ევროპაში ყველაზე ხანგრძლივი მოუგებელი სერია მსოფლიო ჩემპიონატების საკვალიფიკაციო ეტაპზე მხოლოდ 3 ნაკრებს აქვს: სან მარინოს, ლიხტენშტეინსა და საქართველოს.

აღსანიშნავია, რომ ლიხტენშტეინის მოსახლეობა 38 378-ია, ხოლო სან მარინოს – 33 860.

აღნიშნული ქვეყნების გარდა, მოგება არ აქვს გიბრალტარის ნაკრებსაც, თუმცა ის FIFA-ს წევრი 2016 წელს გახდა და შესარჩევ ეტაპზე ბევრი თამაში ჩატარებული არ აქვს.

საქართველო, სან მარინო და ლიხტენშტეინი – 3 ნაკრები, რომლებსაც ბოლო 9 წელში მოგება არ აქვთ

სტატიის ავტორი
-