"საქართველომ რეალობაში დაგვაბრუნა, ესპანეთთან აღებული ქულა ნაგავში გადავაგდეთ" - როგორ ეხმაურება ბერძნული მედია ჯვაროსნებთან შეხვედრას 

"1 კვირის წინ ჩვენს გუნდს ვაქებდით და შესაძლოა ზედმეტადაც კი. ალბათ ესპანეთთან ფრედ დასრულებული მატჩისა და ეროვნული დღესასწაულის გამო (25 მარტს, საბერძნეთი დამოუკიდებლობის დღეს აღნიშნავს), ჩვენი ნაკრების ძალები გადამეტებულად შევაფასეთ.  სიმართლე ისაა, რომ გასულ ხუთშაბათს ყველას ამის უფლება გვქონდა, რადგან მიუხედავად ესპანეთის წინააღმდეგ, ჩვენს თამაშში, შეტევაში არარსებული კრეატივისა, მეტოქე კარგად შევაჩერეთ და საბოლოოდ, იღბლის დახმარებით, დიდებული შედეგი მოვიპარეთ. თუმცა, დღეს საღამოს ჩვენ საქართველომ ძლიერი დარტყმით დაგვაბრუნა რეალობაში და, სამწუხაროდ გრანადაში მოპოვებული ქულა, ნაგვის ყუთში გადავაგდეთ.  კიდევ ერთხელ, კარგია იმის თქმა, რომ ჩვენ არ წავაგეთ, რადგან მატჩის საერთო სურათიდან გამომდინარე, ეს ქულა ძალიან საპატიოა. თუ გამოვრიცხავთ პირველ 20 წუთს, როცა საბერძნეთს ბურთის ფლობა ჰქონდა და თამაშის სადავეებს აკონტროლებდა , და მე -8 წუთზე ცოლისის მიერ მატჩში შექმნილ ერთადერთ დიდი მომენტს არ გავითვალისწინებთ, საერთო სურათი გულდასაწყვეტი გამოდგა. საბერძნეთი უფერო, უფერული იყო. ვერ აკონტროლებდა რიტმს და როგორც აღმოჩნდა გრძელი და გამჭოლი გადაცემებით, მეტოქისთვის დამუქრება არ გამოუვიდა. ფორტუნისისა და იანულუსის ამბიციური ძალისხმევა დაიკარგა ანსამბლში, რომელიც დღეს ხასიათდებოდა ენერგიისა და ნებისყოფის ნაკლებობით. თითქოს, ეს გუნდი გრანადაში ჩატარებულ მატჩში მთლიანად დაიცალა. ესპანეთის წინააღმდეგ, ვანტ შიპის გუნდი შემოქმედებითად არ არსებობდა, მაგრამ შემდეგ ეს მეტოქის უპირატესობის გამო გავამართლეთ. თუმცა, მიუხედავად იმისა, რომ დღეს განსხვავებული მეტოქე გვყავდა, ჩვენ დავამტკიცეთ, რომ ვერ ვთამაშობთ დომინირებულ ფეხბურთს და ინიციატივას მოწინააღმდეგეს ვუთმობთ. რაც თეორიულად ჩვენს ხასიათშია. ბოლო ხუთი წლის განმავლობაში, ალბათ, ყველაზე მნიშვნელოვან სანაკრებო შეხვედრაში, რომელიც მეორე ადგილზეც კი დაგვტოვებდა და ტურნირის ფინალურ ეტაპზე დაბრუნების პრეტენზიას გაგვიჩენდა, ჩვენ გარემოებებსა და მოლოდინებზე დაბლა ვიყავით.